Songs

My luve's in Germanie, send him hame, send him hame,
My luve's in Germanie, send him hame.
My luve's in Germanie, fighting for Royalty;
He may ne'er his Jeanie see, send him hame, send him hame;
He may ne'er his Jeanie see, send him hame.

He's brave as brave can be, send him hame, send him hame,
He's brave as brave can be, send him hame.
He's brave as brave can be, he wad rather fa' then flee;
But his life is dear to me, send him hame, send him hame;
Oh! his life is dear to me, send him hame.

His faes are ten to three, send him hame, send him hame,
His faes are ten to three, send him hame.
His faes are ten to three, he maun either fa' or flee,
In the cause o' loyalty; send him hame, send him hame;
In the cause o' loyalty, send him hame.

He'll ne'er come owre the sea, Willie's slain, Willie's slain,
He'll ne'er come owre the sea, Willie's gane.
He'll ne'er come owre the sea, to his love and ain country,
This wairld's nae mair to me, Willie's gane, Willie's gane;
This wairld's nae mair to me, Willie's slain.